Davart la COHEP
La conferenza svizra da las recturas e dals recturs da las scolas autas pedagogicas COHEP è vegnida fundada il 2002 sco conferenza speziala da la Conferenza svizra dals directurs chantunals da l’educaziun publica CDEP e cusseglia quella en tut las dumondas da la scolaziun da magistras e magisters. La COHEP collavura stretgamain cun la conferenza dals recturs da las universitads svizras CRUS e cun la conferenza dals recturs da las scolas autas spezialisadas da la Svizra KFH sco era cun autras organisaziuns, che s’engaschan en il sectur da la furmaziun.
La conferenza svizra da las recturas e dals recturs da las scolas autas pedagogicas ha unifitgà ses num il settember 2007 per tut las linguas discurridas en Svizra e midà quel tar COHEP – las incumbensas e l’engaschament restan ils medems.