Finamiras ed incumbensas da la COHEP
Las scolas autas pedagogicas adempleschan sco scolas autas autonomas en la cuntrada da las scolas autas da la Svizra l’incumbensa da scolar e perfecziunar sin basa da la perscrutaziun persunas d’instrucziun cun in’auta qualificaziun. Per sustegnair questas incumbensas ha la COHEP approvà a chaschun da sia radunanza da commembers dals 13/14 da zercladur 2007 ina strategia che sustegna oravant tut las suandantas finamiras:
- Docentas e docents cun in’auta qualificaziun professiunala, scientifica e didactica
- Amplificaziun da la perscrutaziun pedagogica sin basa dals standards da la scienza renconuschids internaziunalmain e sustegn da la furmaziuns da raits
- Applicaziun da sistems per segirar la qualitad e da svilup en tut ils secturs da prestaziun (scolaziun, perscrutaziun, furmaziun cuntinuada, prestaziun da servetschs)
- Qualificaziun dal persunal da las scolas autas cun ulteriurs programs da master e da doctorat d’auta qualitad en il sectur da la didactica dals roms en collavuraziun cun las universitads.
Per cuntanscher questas finamiras aspira la COHEP ina stretga collavuraziun cun la CDEP en tut ils secturs correspundents.