Furmaziun cuntinuada
En il champ da las furmaziuns cuntinuadas cun certificats regla il reglament da titels da la CDEP (tudestga, franzosa, talian) co ch’ils diploms da furmaziuns cuntinuadas per magisters e magistras sin il nivel da scola auta vegnan numnads.
- Il master da furmaziun cuntinuada, Master of Advanced Studies (MAS), vegn terminà cun in diplom e cumpiglia almain 60 puncts da credit ECTS, quai che correspunda ad in temp da lavur da circa 1800 uras.
La renconuschientscha dals diploms da master sin il nivel naziunal vegn reglada da la CDEP sin basa da las directivas per il master da furmaziun cuntinuada (MAS) en la scolaziun da magistras e magisters. (admissiun, organisaziun, dimensiun, structura ).
versiun tudestga, versiun franzosa, versiun talian - Il diplom dad Advanced Studies (DAS) vegn terminà cun in diplom e cumpiglia almain 30 puncts da credit ECTS, quai che correspunda ad in temp da lavur da circa 900 uras.
- Il Certificate of Advanced Studies (CAS) vegn terminà cun in diplom e cumpiglia almain 10 puncts da credit ECTS, quai che correspunda ad in temp da lavur da circa 300 uras.
Ultra da quai porschan las scolas autas da pedagogia era curs da perfecziunament senza certificat. Suenter avair frequentà in tal curs survegn ina conferma da participaziun.
Ulteriuras infurmaziuns davart las purschidas da furmaziun cuntinuada chattais Vus mintgamai sin las paginas d’internet correspundentas da las scolas autas da pedagogia.